Avvalroq, ijtimoiy tarmoqlarda Tracker haydovchisi qarama-qarshi harakatlanish uchun mo`ljallangan tomonga chiqib harakatlanganligi aks etgan video tarqaldi.
Holat yuzasidan Andijon viloyati IIB YHXB ma`lumot berdi.
Qayd etilishicha, mazkur holat yuzasidan Andijon viloyati IIB JXX YHXB xodimlari tomonidan o`rganilganda ushbu avtomobil 1985 yilda tug`ilgan A.A.ga tegishli ekanligi, videoda aks etgan qoidabuzarlikni esa uning haydovchilik guvohnomasiga ega bo`lmagan jiyani, 2004 yilda tug`ilgan A.O. tomonidan sodir etilganligi ma`lum bo`lgan.
"Amakimga tegishli bo`lgan Tracker'ni boshqarib, qoidalarni qo`pol buzdim. Qilgan ishimdan pushaymonman. Barchadan uzr so`rayman. Bu holat boshqa qaytarilmaydi", - deydi qoidabuzar yigit.
Holat bo`yicha MJtKning 128-5-moddasi ikkinchi qismi va 135-moddasi ikkinchi qismi tartibida ma`muriy bayonnoma rasmiylashtirilib, avtomobil vaqtincha saqlash uchun jarima maydoniga qo`yilgan.