Bugun Prezident Shavkat Mirziyoev Jizzax viloyatiga tashrif buyuradi. Bu haqda Prezident matbuot xizmati xabar qildi.
Ma`lum qilinishicha, davlat rahbari sanoatning yuqori texnologik tarmoqlari, qishloq xo`jaligi va boshqa yo`nalishlarda amalga oshirilayotgan loyihalar, mahallalarda aholi daromadlarini oshirish bo`yicha olib borilayotgan ishlar bilan tanishadi. Yangi korxonalar qurilishiga start berish, viloyatni ijtimoiy-iqtisodiy rivojlantirishning ustuvor vazifalarini muhokama qilish ham rejalashtirilgan.
