O‘zbekiston Prezidenti 17-19 fevral kunlari AQShda o‘tadigan Tinchlik kengashining dastlabki sammitida ishtirok etadi. Tashrif doirasida G‘azoni tiklash va iqtisodiy hamkorlik masalalari muhokama qilinadi.
O‘zbekiston Respublikasi Prezidenti Shavkat Mirziyoyev Donald Trampning taklifiga binoan 17–19 fevral kunlari amaliy tashrif bilan Vashington shahrida bo‘ladi.
Tashrif doirasida davlat rahbari AQSh Tinchlik institutida o‘tadigan Tinchlik kengashining birinchi sammitida ishtirok etadi. Yig‘ilishda G‘azo sektorini tiklash, gumanitar yordam ko‘rsatish hamda mintaqada tinchlik va barqarorlikni ta’minlash masalalari ko‘rib chiqiladi.
Shuningdek, tashrifning ishbilaromonlik dasturi doirasida Amerika yetakchi kompaniyalari va moliya institutlari rahbarlari ishtirokida strategik loyihalar taqdimo‘ti o‘tkazilishi, iqtisodiy sohadagi ikki tomonlama hujjatlar imzolanishi rejalashtirilgan.
Ma’lum qilinishicha, Tinchlik kengashi Donald Tramp tashabbusi bilan tashkil etilgan bo‘lib, O‘zbekiston joriy yil yanvar oyida Davos shahrida o‘tgan tadbir chog‘ida unga ta’sischi davlat sifatida qo‘shilgan.
