Germaniya hukumati 2030 yilgacha mamlakatda uysizlar sonini nollashtirmoqchi. Bu haqda "Deutsche Welle" xabar berdi.
Federal Vazirlar mahkamasi muammoni hal qilish rejasini qabul qildi va zarur chora-tadbirlarning bir nechta yo`nalishlarini belgiladi. Asosiy maqsad — kelgusi yillarda uysiz qolgan barcha Germaniya aholisini munosib uy-joy bilan ta`minlash. Shuningdek, profilaktika choralari va mamlakat bo`ylab “yordam va qo`llab-quvvatlash tizimi”ni yaratish rejalashtirilgan.
Favqulodda vaziyatlarda hokimiyat uy-joy bilan ta`minlaydi. Tibbiy sug`urtasi bo`lmagan shaxslarga tibbiy yordam ko`rsatish masalalarini hal etish, ularning raqamli texnologiyalardan foydalanishini ta`minlash, boshpanasizlarni kamsitishga qarshi kurashish ham rejalashtirilgan.
“Bu maqsadlarga erishish uchun Germaniya hukumati uysizlikka qarshi milliy forum tashkil qiladi”, — deb yozadi AFP.
Caritas xayriya tashkiloti rahbari Eva Mariya Velskop-Deffaning ta`kidlashicha, rejaning qabul qilinishi federal hukumat uysizlikka qarshi kurashni mahalliy hokimiyat ixtiyoriga qoldirmasligiga “kuchli signal”dir.
O`z navbatida, Germaniya shaharlari uyushmasi bosh direktori Helmut Dedi federal va shtat hukumatlarini etarli miqdorda arzon uy-joy qurish uchun ko`proq yordam berishga chaqirgan.
Germaniyadagi uysizlarning haqiqiy sonini aniqlash qiyin. Boshpanasizlarga yordam berish bo`yicha federal ishchi guruh ma`lumotlariga ko`ra, 2022 yil iyun oyi oxirida 447 mingga yaqin odam uyga ega bo`lmagan. Ularning o`n mingdan ortig`i ko`chada yashayotgani taxmin qilinmoqda.
2023 yil boshpana va boshqa muassasalarda joylashgan uysizlar soni 372 ming nafarni tashkil qilgan. 2022 yil yanvar oxirida bu ko`rsatkich 178,1 ming edi.
“O`sish ushbu ko`rsatkichlarni ro`yxatga olish yaxshilangani, shuningdek, Ukrainadan ma`lum miqdordagi qochqinlarning kelishi bilan bog`liq”, — deb yoziladi AFP xabarida.
12.10.2022, 12:42
Germaniya hukumati Ukraina hududiga gumanitar yordam va qurol-yarog` etkazib berish hajmini oshirishni rejalashtirmoqda. Bu haqda Germaniya hukumatining rasmiy sayti xabar bergan va unda etkazib berilgan...18.01.2022, 20:37
Germaniya hukumati koronavirusga qarshi vaksinasiyadan bosh tortgan shifokorlarni jiddiy ogohlantirmoqda va ularga nisbatan jiddiy talablarni kuchaytirmoqda. Bu haqda Vesti.ru xabar bermoqda. Qayd etilishicha, Germaniyada sertifikatsiz tibbiyot...08.01.2022, 14:24
Tashqi mehnat migrasiyasi agentligi hamda Shveysariyaning “Globogate Recruiting GmbH” tashkiloti o`rtasidagi hamkorlik kelishuviga asosan tajribali o`rta bo`g`in tibbiyot hamshiralarini Germaniya tibbiyot muassasalariga ishga jalb qilish...05.01.2022, 22:43
Tashqi mehnat migrasiyasi agentligi hamda Shveysariyaning “Globogate Recruiting GmbH” tashkiloti o`rtasidagi hamkorlik kelishuviga asosan tajribali tibbiyot xodimlarini Germaniya tibbiyot muassasalariga ishga jalb qilish dasturi ishlab...