Abdurahmon Fozilov Indoneziyaga qarshi o`yin oldidan Ibrohimhalil Yo`ldoshev bilan garov bog`ladi.
Xabaringiz bor bugun Qator mezbonligida o`tkazilayotgan Osiyo kubogi doirasida yarim final uchrashuvlari o`tkaziladi. Unda Indoneziya - O`zbekiston va Yaponiya - Iroq juftliklari final va Olimpiya o`yinlari yo`llanmasi uchun maydonga tushadi.
Indoneziya - O`zbekiston uchrashuvi oldidan Abdurahmon Fozilov O`zbekiston Olimpiya terma jamoasi futbolchisi Ibrohimhalil Yo`ldoshev bilan garov bog`ladi. Agar O`zbekiston Olimpiya terma jamoasi g`alaba qozonadigan bo`lsa, Abdurahmon Fozilov sochini kalga olishini aytdi. Agar natija aksincha bo`lsa, Ibrohimhalil Yo`ldoshevning sochlari kalga olinadi.
Eslatib o`tamiz, Indoneziya - O`zbekiston uchrashuvi bugun Toshkent vaqti bilan 19:00 da, "Abdulloh Bin Xalifa" stadionida boshlanadi.
