Endi Rossiyada faqat universitetlar va davlat tashkilotlari xorijliklar uchun rus tili, mamlakat tarixi va qonunchilik asoslaridan imtihonlarni qabul qiladi. Bu haqda Rossiya Federasiyasi Fan va oliy ta`lim vazirligi o`zining Telegram-kanalida ma`lum qildi.
Boshqarma ma`lumotlariga ko`ra, tashrif buyuruvchilar uchun test sinovlari o`tkazish huquqiga ega bo`lgan barcha 12 ta universitet tijorat hamkorlari bilan shartnomalarini bekor qilgan. Shunday qilib, xorijliklarning bilimini baholashda faqat davlat organlari ishtirok etadi. Ta`lim va fan vazirligi, shuningdek, bunday imtihonlar uchun saytlar tez orada Rossiya Federasiyasining barcha hududlarida paydo bo`lishiga ishontirdi.
“Bu chora-tadbirlarning barchasi xorijlik fuqarolar uchun imtihon sifati ustidan nazoratni kuchaytiradi. Rektorlarga ham bilimlarni sinovdan o`tkazish tartibining o`ziga, ham sertifikatlar berishga alohida e`tibor qaratish zarurligini eslataman”, — dedi Fan va oliy ta`lim vaziri o`rinbosari Konstantin Mogilevskiy universitet rahbarlari bilan uchrashuvda.
