Buxoroda 6 may kuni mast qiz harakatlanayotgan mashinadan tanasini chiqarib o`ynagani uchun haydovchi va yo`lovchiga nisbatan ma`muriy bayonnoma tuzildi. Bu haqda viloyat IIB matbuot xizmati xabar berdi.
Ma`lum qilinishicha, mashina haydovchisi qizning mastligini bilmay, uni minishiga rozi bo`lgan.
«Uning mashina oynasidan tanasini chiqarganini ko`rmay qoldim. Ko`rib, keyinroq yo`l chetida to`xtab, yo`lovchini o`rindig`iga o`tqazib qo`ydim va xavfsizlik kamarini taqdim. Boshqa haydovchilardan bu xatoni takrorlamaslikni so`rayman», — haydovchi.
Huquq-tartibot idoralari xodimlari tomonidan haydovchi va uning yo`lovchisiga nisbatan ma`muriy bayonnomalar rasmiylashtirildi.
«Xursandchiligimdan, spirtli ichimlik ta`sirida edim. Qilgan ishimdan pushaymonman, hech kimga tavsiya qilmayman», — deydi yo`lovchi.
