Vengriyaning Seged shahrida para kanoe bo`yicha Jahon chempionati boshlandi.
Bugun ayollar o`rtasida VL3 klassida finalda ishtirok etgan Shahzoda Mamadalieva 00:58.22 soniya natija bilan marraga 3- bo`lib etib keldi. Iste`dodli sportchi ushbu natija orqali Jahon chempionatining bronza medalini qo`lga kiritish bilan bir qatorda Parij-2024 yozgi Paralimpiya o`yinlari lisenziyasini ham naqd qildi.
Irodaxon Rustamova ham Parij-2024 Paralimpiya o`yinlari lisenziyasini qo`lga kiritdi!
Xabar berganimizdek, shu kunlarda Vengriyaning Seged shahrida para kanoe bo`yicha Jahon chempionati bo`lib o`tmoqda.
Hozirgina ayollar o`rtasida yana bir vakilimiz musobaqada muvaffaqiyatli ishtirok etdi. VL2 klassida startga chiqqan Irodaxon Rustamova 01:04.60 soniya natija bilan 5-o`rinni egalladi va Parij-2024 yozgi Paralimpiya o`yinlariga to`g`ridan-to`g`ri lisenziyani qo`lga kiritdi.
