Ispaniya hukumati Falastinni suveren davlat sifatida rasman tan oldi, dedi qirollik tashqi ishlar vaziri Xose Manuel Albares. Norvegiyaning Falastinni mustaqil davlat sifatida tan olish qarori ham kuchga kirdi. Bu haqda Norvegiya tashqi ishlar vaziri Espen Bart Eydening hukumat saytidagi xabarida aytiladi. Keyinchalik Irlandiya hukumati Falastinni tan olganini e`lon qildi.
"Bugun Vazirlar Kengashi yig`ilishida biz Falastin davlatini tan olishga qaror qildik", dedi diplomat matbuot anjumanida, Ispaniya televideniesi xabariga ko`ra. Vazirning fikricha, bu Yaqin Sharqda tinchlikka erishishning yagona yo`li.
“30 yildan ortiq vaqt davomida Norvegiya Falastin davlatining eng kuchli tarafdorlaridan biri bo`lib kelgan. Bugun Norvegiya Falastinni rasman davlat sifatida tan olgani Norvegiya va Falastin o`rtasidagi munosabatlardagi muhim bosqichdir”, — dedi Tashqi ishlar vaziri Espen Bart Eyde.
Ispaniya bosh vaziri Saymon Xarris 22 may kuni Falastinni davlat sifatida tan olish niyatida ekanligini ma`lum qildi. Ispaniyadan tashqari Irlandiya va Norvegiya ham Falastinni tan olishga qaror qildi. Shundan so`ng Isroil Norvegiya va Irlandiyadagi elchilarini chaqirib oldi. Politico xabariga ko`ra, so`nggi bir necha hafta ichida Irlandiya rasmiylari Sloveniya, Belgiya va Malta hukumatlari vakillari bilan Falastinni tan olish masalasini muhokama qilgan.
Irlandiya, Ispaniya va Norvegiya bosh vazirlari 22 may kuni Falastin davlatini tan olish qarorini e`lon qildi. 2024 yil 22 may holatiga ko`ra, Falastin mustaqilligi BMTga a`zo 146 davlat tomonidan tan olingan. Yangi davlatni tan olish, qoida tariqasida, u bilan diplomatik munosabatlar o`rnatish bilan birga keladi. Ammo Falastindagi vaziyatda bu har doim ham shunday emas.
