Ijtimoiy tarmoqlarda Shahrisabz shahrida avtomobil yonayotganligi aks etgan video tarqaldi.
Holat yuzasidan Qashqadaryo viloyati FVB ma`lumot taqdim etdi.
Ma`lum bo`lishicha, kecha 5 iyun kuni soat taxminan 20.21 larda Shahrisabz shahar Favqulodda vaziyatlar bo`limiga xabar kelib tushgan.
Xabarga ko`ra, voqea joyiga qutqaruv xizmatida 1 ta yong`in-qutqaruv bo`linmasi jalb etilib, sodir bo`lgan yo`l transport hodisasi ortidan Matiz rusumli transport vositasida ro`y bergan yong`in soat 20.30 larda to`liq o`chirilgan.
Ma`lum bo`lishicha, sodir bo`lgan yo`l transport hodisasi natijasida bir nafar fuqaro jarohat olib, shifoxonaga yotqizilgan. Yong`indan hech kim tan jarohati olmagan.
