Howo yuk mashinasi Chirchiq daryosiga tushib ketdi.
Toshkent viloyati IIBB YHXB axborot xizmati holat bo`yicha ma`lumot taqdim qildi.
Ma`lum qilinishicha, kecha, 9 iyun kuni soat tahminan 18:30 larda Toshkent viloyati Yuqorichirchiq tumanida 2001 yil tug`ilgan haydovchi boshqaruvida bo`lgan Howo rusumli yuk mashinasi Chirchiq daryosiga tushib ketgan. Bunga haydovchining ehtiyotsizligi sabab bo`lgan. Hodisa natijasida avtomobilda bo`lgan yo`lovchi voqea joyida vafot etgan. Haydovchiga esa birinchi tibbiy yordam ko`rsatilgan.
Hozirda holat yuzasidan Yuqorichirchiq IIBB tomonidan tergov harakatlari olib borilmoqda.
