"Sharq Qanot" aviakompaniyasi Qarshi shahridan Istanbul shahriga yo`lovchi reyslarni amalga oshirishni boshladi. Bu haqda Qashqadaryo viloyati hokimligi xabar qildi.
Yangi reyslar Qarshi va Istanbul shaharlari o`rtasidagi sayohatni ancha qulaylashtiradi. Shu bois, Turkiyaning Istanbul shahridan uchgan samolyot Qarshi shahridagi xalqaro aeroportda tantanali kutib olindi.
Aytish o`rinliki, mazkur reys Qarshi aeroportidan MDH mamlakatlaridan boshqa xorijiy davlatlarga amalga oshirilgan birinchi muntazam aviaqatnovning ilk reysi sifatida tarixda qoladigan bo`ldi.
Bundan buyon “Qanot Sharq” Istanbul-Qarshi-Istanbul yo`nalishi bo`yicha haftada bir marta, payshanba kunlari Airbus A321 neo samolyotlarida parvozlarni amalga oshiradi.
