Ijtimoiy tarmoqlarda erkak kichik yoshdagi bolani kamar bilan kaltaklayotgani aks etgan video tarqaldi.
Bolalar ombudsmanining aniqlashicha, ushbu holat joriy yilning 23 iyun kuni Samarqand viloyati Toyloq tumanida sodir bo`lgan.
1988 yilda tug`ilgan erkak Sh.N. o`zi bilan birga 2024 yildan shar`iy nikohda bo`lgan T.D. ning 2017 yilda tug`ilgan 6 yoshli farzandi E.O.ni yashash xonadoni hovlisida qo`lida bo`lgan kamar bilan kaltaklagan. Holat yuzasidan 24 iyun kuni tergovga qadar tekshiruv boshlangan. Voyaga etmagan E.O.da tan jarohatlari aniqlanib, hozirda bolaga tibbiy yordam ko`rsatilmoqda. Bu borada sud tibbiyot ekspertizasi tayinlangan.
Zo`ravon erkak Toyloq tumani tibbiyot birlashmasi tibbiy ko`rigidan o`tkazilganda, uning ruhiyatida o`zgarishlar borligi aniqlanib, viloyat ruhiy kasalliklar shifoxonasiga yotqizilgan. Bolaning holati yuzasidan sud-psixiatrik ekspertiza tayinlandi.
Ushbu holat yuzasidan Toyloq tumani IIB huzuridagi TB tergovga qadar tekshiruv harakatlari olib bormoqda.
