Notarial idoraga bormasdan amalga oshiriladigan notarial harakat turlari ko`paydi. Bu haqda Adliya vazirligi matbuot xizmati xabar qildi.
Ma`lum qilinishicha, endilikda fuqarolar:
- er va xotinning umumiy mol-mulkni, shu jumladan ko`chmas mulkni tasarruf etish bo`yicha bitim tuzish uchun xotin (er)ning rozilik arizasini;
- avtomototransport vositasini tasarruf etish (sotish, hadya, qilish, ayirboshlash, garovga qo`yish va boshqa turdagi tasarruf qilish) ishonchnomasini;
- hujjatlarning bir tildan boshqa tilga to`g`ri tarjima qilinganligini shahodatlashni videokonferensiya orqali (onlayn) notarial rasmiylashtirishlari mumkin.
«E-notarius.uz» axborot portali orqali notarial harakatlarni dunyoning istalgan joyidan turib rasmiylashtirish mumkin.
