Ijtimoiy tarmoqlarda madaniyat vaziri Ozodbek Nazarbekov kiyim do`konini reklama qilib chiqdi. Mazkur holat tarmoqlarda keng muhokamalarga sabab bo`lib, qonunbuzilish ekanligi ta`kidlanmoqda.
Raqobat qo`mitasi tomonidan holat yuzasidan “Reklama to`g`risida”gi qonun doirasida o`rganish ishlari olib borilayotganini aytildi.
-Raqobatni rivojlantirish va iste`molchilar huquqlarini himoya qilish qo`mitasining asosiy vazifalaridan biri mamlakatimizda reklama sohasiga oid qonunchilikni nazorat qilib borish hisoblanadi.
Yuqoridagilarga ko`ra, mazkur holat yuzasidan Qo`mita tomonidan O`zbekiston Respublikasining "Reklama to`g`risida”gi Qonuni doirasida o`rganish ishlari olib borilayotganligini ma`lum qilamiz, - deyiladi qo`mita bayonotida.