Toshkent aeroportida xorijlik 237 mln so‘mlik qo‘l soatini yashirib o‘tishga urindi. Bu haqda “Toshkent-AERO” IBK axborot xizmati ma’lum qildi.
Joriy yilning 26 iyul kuni taxminan soat 00:20 larda “Islom Karimov nomidagi Toshkent xalqaro aeroporti” chegara-bojxona posti xodimlari tomonidan “Urumchi-Toshkent” yo‘nalishi bo‘yicha uchib kelgan xorij fuqarosining bir dona qora rangli qo‘l sumkasi tekshirildi. Bu haqda “Toshkent- AERO” IBK axborot xizmati ma’lum qildi. Sumka ichidan og‘zaki so‘rovda aytilmagan, jismoniy shaxslar tomonidan olib kirish me’yoridan ortiq bo‘lgan umumiy qiymati 237 mln 300 ming so‘m bo‘lgan, qutisiz 1 dona “Rolex” brendiga mansub bo‘lgan qo‘l soati borligi aniqlandi Hozirda holat yuzasidan surishtiruv harakatlari olib borilmoqda.
