Тошкент аэропортида хорижлик 237 млн сўмлик қўл соатини яшириб ўтишга уринди. Бу ҳақда “Тошкент-АЭРО” ИБК ахборот хизмати маълум қилди.
Жорий йилнинг 26 июль куни тахминан соат 00:20 ларда “Ислом Каримов номидаги Тошкент халқаро аэропорти” чегара-божхона пости ходимлари томонидан “Урумчи-Тошкент” йўналиши бўйича учиб келган хориж фуқаросининг бир дона қора рангли қўл сумкаси текширилди. Бу ҳақда “Тошкент- АЭРО” ИБК ахборот хизмати маълум қилди. Сумка ичидан оғзаки сўровда айтилмаган, жисмоний шахслар томонидан олиб кириш меъёридан ортиқ бўлган умумий қиймати 237 млн 300 минг сўм бўлган, қутисиз 1 дона “Rolex” брендига мансуб бўлган қўл соати борлиги аниқланди Ҳозирда ҳолат юзасидан суриштирув ҳаракатлари олиб борилмоқда.
