Toshkentda mashina o‘g‘risiga nisbatan qonuniy chora ko‘rilmoqda. Bu haqda poytaxt IIBB matbuot xizmati xabar berdi.
Qayd etilishicha, 2024 yilning 29 iyul kuni Sergeli tumani IIO FMB navbatchilik qismiga avtomashina olib qochilgani haqida xabar kelib tushgan. 28 yoshli Matiz avtomashinasi egasi S.S. avtomashina eshiklarini qulflamay, kalitni o‘t oldirgichda qoldirib ketishi oqibatida, noma’lum kimsa uning mashinasini olib qochgan.
Mazkur holat bo‘yicha Jinoyat kodeksining 267-moddasi 1-qismi (Transport vositasini olib qochish) bilan jinoyat ishi qo‘zg‘atigan.
Ko‘rilgan chora-tadbirlar natijasida, mashina o‘g‘risi 39 yoshli K.H. aniqlanib, ushlangan. Unga nisbatan qamoqqa olish ehtiyot chorasi qo‘llanildi. Hozirda tergov harakatlari davom etmoqda.
