Тошкентда машина ўғрисига нисбатан қонуний чора кўрилмоқда. Бу ҳақда пойтахт ИИББ матбуот хизмати хабар берди.
Қайд этилишича, 2024 йилнинг 29 июль куни Сергели тумани ИИО ФМБ навбатчилик қисмига автомашина олиб қочилгани ҳақида хабар келиб тушган. 28 ёшли Мatiz автомашинаси эгаси С.С. автомашина эшикларини қулфламай, калитни ўт олдиргичда қолдириб кетиши оқибатида, номаълум кимса унинг машинасини олиб қочган.
Мазкур ҳолат бўйича Жиноят кодексининг 267-моддаси 1-қисми (Транспорт воситасини олиб қочиш) билан жиноят иши қўзғатиган.
Кўрилган чора-тадбирлар натижасида, машина ўғриси 39 ёшли К.Ҳ. аниқланиб, ушланган. Унга нисбатан қамоққа олиш эҳтиёт чораси қўлланилди. Ҳозирда тергов ҳаракатлари давом этмоқда.
