Talabalarning shartnoma pullarini to‘layotgan aka-uka va opa-singillarga ham soliq imtiyozlari qo‘llanilmoqda. Bu haqda O‘zLiDeP matbuot xizmati xabar berdi.
Ma’lum qilinishicha, UzLiDeP yig‘ilishida "O‘zbekiston Respublikasi Soliq kodeksiga qo‘shimcha kiritish to‘g‘risida"gi O‘zbekiston Respublikasining qonuni loyihasi muhokama qilingan. Qonun loyihasida talabalarning shartnoma pullarini to‘layotgan aka-uka va opa-singillarga ham soliq imtiyozini qo‘llash ya’ni ularning daromadlariga soliq solmaslik nazarda tutilmoqda.
Ma’lumot o‘rnida, bugungacha bunday imtiyoz faqatgina talabalarning ota-onalariga nisbatan qo‘llanilar edi.
