Xitoyda suv ostida ucha oladigan dron yaratildi

Xitoylik muhandislar Nezha-SeaDart deb nomlangan yangi gibrid dronni sinovdan o‘tkazishdi. Bu haqda zamon.uz xabar berdi. 

Qurilma vertikal ravishda yerdan ham, suv ostidan ham ko‘tarilish va qo‘nish, suv-havo interfeysini silliq kesib o‘tish hamda suv ostida harakatlanish imkoniyatiga ega.

Dron Xitoyning Chjeszyan provinsiyasidagi ko‘lda 10 kunlik sinovlardan o‘tib, o‘z samaradorligini isbotladi. Endi harbiy suv osti kemalari ham xuddi shunday qurilma bilan jihozlanishi mumkin.