Joriy yilning o‘tgan 9 oyi mobaynidaToshkent viloyati bojxona boshqarmasi tomonidan Bojxona postlarida 9 oyi davomida jami 103 976 ta bojxona yuk deklaratsiyalari rasmiylashtirildi. Bu haqda Boshqarma matbuot xizmati xabar qildi.
Deklaratsiyalarning 28,1% “yashil yo‘lak”, 54,7%“sariq yo‘lak”, 17,2% “qizil yo‘lak” tartibida rasmiylashtirildi.
Boshqarma tomonidan huquqni muhofaza qiluvchi boshqa organlar bilan hamkorlikda giyohvand vositalarining noqonuniy muomalasiga qarshi kurash yo‘nalishida 53 ta holatda 46,8 kg giyohvandlik vositalarining noqonuniy aylanmasiga chek qo‘yildi.
Bundan tashqari, tovar-moddiy boyliklarning noqonuniy aylanmasiga qarshi kurashish yo‘nalishida 2 431 ta holatda 47 mlrd so‘mga teng tovarlar ushlab qolindi.
Aholi salomatligi muhofazasini ta’minlash maqsadida viloyat bojxonachilari tomonidan qiyimati 3 mlrd 690 mln so‘mlik, 490 ming 704 dona sifati kafolatlanmagan dori vositalarini noqonuniy aylanmasiga chek qo‘yildi.
Aniqlangan huquqbuzarlik holatlari bo‘yicha 81,5 mlrd. so‘m qo‘shimcha bojxona to‘lovlari hisoblandi.
