FIFA yangi reytingni e’lon qildi, deya yozmoqda "zamon.uz".
Yangilangan reytingda O‘zbekiston milliy terma jamoasi ikki pog‘ona yuqorilab, 58-o‘rinni egallagan va OFK mintaqasida Saudiya Arabistonidan o‘zib ketgan. Jadvalda kuchli beshlik o‘zgarmagan. Argentina yetakchi bo‘lsa, Fransiya va Ispaniya terma jamoalari keyingi pog‘onalarda bormoqda.
O‘zbekiston OFKda 7-jamoa bo‘lib turibdi. Osiyo qit’asida Yaponiya (15) va Eron (19) peshqadamlik qilmoqda. Ma’lumot uchun, O‘zbekiston milliy terma jamoasi 2026 yilgi Jahon chempionatiga saralashning 3-bosqichini ajoyib o‘tkazmoqda. Terma 4 o‘yinda 10 ochko to‘plab, qo‘shimcha ko‘rsatkichlar sababli Erondan ortda qolmoqda. Noyabr oyida milliy jamoani Qatar va Shimoliy Koreyaga qarshi uchrashuvlar kutib turibdi.
