Ijtimoiy tarmoqlarda Xorazmdagi bozorlardan birida yong‘ib ketgani aks etgan video tarqaldi.
FVV Matbuot xizmatining xabariga ko‘ra, yong‘in bugun, 7-noyabr kuni soat 12:53 da Xorazm viloyati, Urganch tumani, “Shermatlar” MFY, Gurlan ko‘chasida joylashgan kiyim-kechak savdo do‘konlarida sodir bo‘lgan.
Shunga ko‘ra 8 ta yong‘in-qutqaruv ekipaji soat 12:59 da hodisa joyiga yetib borib, yong‘in soat 13:20 da o‘rab olingan va soat 13:50 da o‘chirilgan.
Hodisa oqibatida tan jarohati olgan va vafot etganlar yo‘q.
Hozirda yong‘in sababi va keltirilgan moddiy zarar miqdori aniqlanmoqda.
