Ижтимоий тармоқларда Хоразмдаги бозорлардан бирида ёнғиб кетгани акс этган видео тарқалди.
ФВВ Матбуот хизматининг хабарига кўра, ёнғин бугун, 7-ноябр куни соат 12:53 да Хоразм вилояти, Урганч тумани, “Шерматлар” МФЙ, Гурлан кўчасида жойлашган кийим-кечак савдо дўконларида содир бўлган.
Шунга кўра 8 та ёнғин-қутқарув экипажи соат 12:59 да ҳодиса жойига етиб бориб, ёнғин соат 13:20 да ўраб олинган ва соат 13:50 да ўчирилган.
Ҳодиса оқибатида тан жароҳати олган ва вафот этганлар йўқ.
Ҳозирда ёнғин сабаби ва келтирилган моддий зарар миқдори аниқланмоқда.
