FVV qutqaruvchilari tomonidan Jizzaxda kir mashina ichida qisilib qolgan bolakay qutqarildi. Bu haqda FVV matbuot xizmati xabar qilmoqda.
Ma’lum qilinishicha, kecha, 6 yanvar kuni soat 18:40 da Jizzax viloyati Jizzax shahri, Ittifoq mahallasidagi ko‘p qavatli uylarning birida bolakay ehtiyotsizlik oqibatida kir mashinaning quritish qismida qisilib qolganligi to‘g‘risida FVBga xabar tushgan.
Zudlik bilan FVB qutqaruvchilari aytilgan manzilga yetib borib, qutqaruv anjomlari yordamida bolakay sog‘-salomat chiqarib olinib, ota-onasiga topshirilgan. Hozirda uning ahvoli yaxshi.
