2024 yilda iste’molchilarga 1 milliard chek uchun 1 trillion so‘mdan ortiq keshbek to‘lab berilgan. Bu haqida Soliq qo‘mitasi matbuot xizmati xabar berdi.
Ma’lum qilinishicha, keshbekning 89,2 milliard so‘mi dekabr oyiga to‘g‘ri keladi.
To‘langan keshbeklarning eng ko‘p miqdori Toshkent shahriga to‘g‘ri kelib, iste’molchilarga 2024 yil davomida 412,2 milliard so‘m to‘lab berilgan. Keyingi o‘rinlarda Toshkent viloyati 107,1 milliard, Samarqand viloyati 93,2 milliard, Farg‘ona viloyati 75,6 milliard hamda Andijon viloyati 52 milliard so‘m bilan iste’molchilari ko‘proq keshbek olgan.
Respublika bo‘ylab eng kam keshbek to‘langan hudud Sirdaryo: 2024 yil davomida iste’molchilarga 15,5 milliard so‘m to‘langan.
