2024 йилда истеъмолчиларга 1 миллиард чек учун 1 триллион сўмдан ортиқ кешбэк тўлаб берилган. Бу ҳақида Солиқ қўмитаси матбуот хизмати хабар берди.
Маълум қилинишича, кешбэкнинг 89,2 миллиард сўми декабрь ойига тўғри келади.
Тўланган кешбэкларнинг энг кўп миқдори Тошкент шаҳрига тўғри келиб, истеъмолчиларга 2024 йил давомида 412,2 миллиард сўм тўлаб берилган. Кейинги ўринларда Тошкент вилояти 107,1 миллиард, Самарқанд вилояти 93,2 миллиард, Фарғона вилояти 75,6 миллиард ҳамда Андижон вилояти 52 миллиард сўм билан истеъмолчилари кўпроқ кешбэк олган.
Республика бўйлаб энг кам кешбэк тўланган ҳудуд Сирдарё: 2024 йил давомида истеъмолчиларга 15,5 миллиард сўм тўланган.
