Kuchli ta’sir qiluvchi dori vositalarining noqonuniy aylanmasiga qarshi tezkor tadbir o‘tkazildi, deya xabar qilmoqda DXX matbuot xizmati.
Huquqni muhofaza qiluvchi organlar tomonidan Toshkent viloyati Zangiota tumani hududida o‘tkazilgan tezkor tadbirda, Sirdaryo viloyati prokurorining katta yordamchisi boshqaruvida bo‘lgan “Spark” rusumli avtomashina to‘xtatilib, ko‘zdan kechirildi.
Natijada, avtomashina salonida 50 dona “Zardeks” kuchli ta’sir qiluvchi dori vositasi borligi aniqlanib, protsessual tartibda rasmiylashtirib olindi.
Shuningdek, tezkor tadbir davom ettirilib, unga mazkur dori vositalarini sotgan Camarqand viloyatining Bulung‘ur tumanida istiqomat qiluvchi, 1997 y.t. fuqaro Toshkent shahrida qo‘lga olindi va undan ham 300 dona “Zardeks” kuchli ta’sir qiluvchi dori vositasi ashyoviy dalil sifatida olindi.
Ta’kidlash lozimki, ushbu kuchli ta’sir qiluvchi dori vositalari Qirg‘iz Respublikasidan noqonuniy yo‘llar bilan olib kelingan.
Hozirda holat yuzasidan tergovga qadar tekshiruv harakatlari olib borilmoqda.
