NATO Bosh kotibi Mark Ryutte alyans a’zolari 2024 yilda Ukrainaga xavfsizlik sohasiga 50 milliard yevrodan ortiq yordam berganini tasdiqladi. Bu haqda Shimoliy Atlantika alyansining matbuot kotibi vazifasini vaqtincha bajarayotgan Elison Xart ma’lum qilgan.
Ma’lum qilintshtcha, Ukrainaning NATO‘dagi hamkorlari iyul oyida Vashingtonda bo‘lib o‘tgan alyans sammitida olgan majburiyatlarini ortig‘i bilan bajargan. O‘shanda ular 2024 yilda Ukrainaga kamida 40 milliard yevro miqdorida harbiy yordam berishni va’da qilgan edilar.
NATO Bosh kotibi ma’lumotlariga ko‘ra, yakuniy summaning yarmidan ko‘pi Yevropa ittifoqchilari va Kanada tomonidan ajratilgan.
13 fevral, payshanba kuni bo‘lib o‘tadigan alyans mudofaa vazirlari yig‘ilishidan oldin NATO‘ga a’zo davlatlarga Ukrainaga xavfsizlik sohasida ko‘rsatilgan yordam bo‘yicha hisobot taqdim etildi.
