AsosiyJamiyat

To‘rtta viloyatda yer maydonlarini noqonuniy sotayotganlar qo‘lga olindi

DXX Navoiy, Andijon, Farg‘ona va Toshkent viloyatlarida tezkor tadbir o‘tkazdi.

'To‘rtta viloyatda yer maydonlarini noqonuniy sotayotganlar qo‘lga olindi'ning rasmi

DXX xabariga ko‘ra, Navoiy viloyatining Karmana tumanida yashovchi xususiy tadbirkor o‘zganing ishonchiga kirib, tuman hokimligi zaxirasida bo‘lgan 1 gektar bo‘sh yer maydonini go‘yoki o‘ziga tegishli ekanligini aytib, unga sotish va mansabdor tanishlari orqali kadastr hujjatlarini rasmiylashtirib berish evaziga 2 mlrd. so‘m talab qiladi.

Ammo, u so‘ralgan pul mablag‘idan 1 mlrd. so‘mni Navoiy shahrida olgan vaqtida Davlat xavfsizlik xizmati va Bosh prokuratura huzuridagi Departament xodimlari tomonidan ashyoviy dalillar bilan ushlandi.

Andijon viloyatida kuzatilgan holatda esa Xo‘jaobod tumanida yashovchi, 1992 va 1994 yillarda tug‘ilgan aka-uka davlat zaxirasida bo‘lgan 2 gektar yer maydonini yuqori lavozimda ishlovchi tanishlari orqali xaridor nomiga rasmiylashtirib berish evaziga 300 ming AQSH dollari talab qilishadi.

Lekin, Davlat xavfsizlik xizmati xodimlari tomonidan boshqa huquqni muhofaza qiluvchi idoralar bilan hamkorlikda o‘tkazilgan tezkor tadbirda, ulardan biri so‘ralgan pul mablag‘idan 50 ming AQSH dollarini olgan vaqtida ushlandi. 

Farg‘ona viloyati Uchko‘prik tumanidagi paxtachilik va g‘allachilikka ixtisoslashgan fermer xo‘jalik rahbari mazkur xo‘jalikning 50 sotix sug‘oriladigan yer maydonini xaridorga 55 ming AQSH dollariga sotishga kelishib, shundan 45 ming AQSH dollarini olgan vaqtida Davlat xavfsizlik xizmati va Iqtisodiy jinoyatlarga qarshi kurashish departamenti xodimlari tomonidan uning noqonuniy harakatlariga chek qo‘yildi.

Boshqa holatda esa Quva tumanidagi qandolat mahsulotlari ishlab chiqaruvchi mas’uliyati cheklangan jamiyat rahbari mazkur MCHJning 10 sotix yer maydonini kadastr tizimidagi tanishlari orqali xaridor nomiga turar-joy sifatida rasmiylashtirib berish evaziga 35 ming AQSH dollari olgan vaqtida ashyoviy dalillar bilan ushlandi. 

Davlat xavfsizlik xizmati va Iqtisodiy jinoyatlarga qarshi kurashish departamentining Toshkent shahar boshqarmasi hamda Toshkent shahar IIBB xodimlari hamkorligida o‘tkazilgan tezkor tadbirda, poytaxtda yashovchi, 1964 y.t. fuqaro Toshkent tumanida joylashgan va davlat zaxirasida bo‘lgan 16 sotix yer maydonining har bir sotixini 22 ming AQSH dollaridan jami 352 ming AQSH dollariga xaridorga sotishga kelishib hamda yuqori lavozimda ishlovchi tanishlari orqali uning nomiga rasmiylashtirib berishni va’da qilib, oldindan 30 ming AQSH dollari olgan vaqtida ushlandi.

Shuningdek, tezkor tadbir davom ettirilib, uning sherigi bo‘lgan – Toshkent tumanida yashovchi, 1952 y.t., muqaddam firibgarlik bilan bog‘liq jinoyati uchun sudlangan shaxs ham ushbu 30 ming AQSH dollarini olgan vaqtida ushlandi.

Hozirda barcha holatlar yuzasidan mazkur shaxslarga nisbatan Jinoyat Kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.

    Bizni ijtimoiy tarmoqlarda kuzatib boring

    Boshqa yangiliklar

    '"Ro‘zg‘or ishlari va farzand tarbiyasidan ortib, ta’lim olayotgan, mehnat qilayotgan va tadbirkorlik bilan shug‘ullanayotgan xotin-qizlar zamonamizning haqiqiy qahramonlari"'ning rasmi

    Jamiyat 07.03.2025 22:03

    "Ro‘zg‘or ishlari va farzand tarbiyasidan ortib, ta’lim olayotgan, mehnat qilayotgan va tadbirkorlik bilan shug‘ullanayotgan xotin-qizlar zamonamizning haqiqiy qahramonlari"

    O‘zbekiston Respublikasi Prezidenti Shavkat Mirziyoyev Xalqaro xotin-qizlar kuniga bag‘ishlangan tantanali tadbirda ishtirok etdi va davlat mukofotlarini topshirdi.

    'Toshkentda tez yordam xodimlari bemorni 4 soat olib yurib, uy yo‘lagida qoldirib ketgani aytilmoqda'ning rasmi

    Jamiyat 07.03.2025 20:30

    'Qamchiq dovonida qor ko‘chish xavfi e’lon qilindi'ning rasmi

    Jamiyat 07.03.2025 20:20

    Qamchiq dovonida qor ko‘chish xavfi e’lon qilindi

    Ko‘chki dovonning qaysi qismida sodir bo‘ladi?

    'O‘zbekiston yerlari chet elliklarga berib yuborilyaptimi?'ning rasmi

    Jamiyat 07.03.2025 18:23

    O‘zbekiston yerlari chet elliklarga berib yuborilyaptimi?

    Xalqni havotirga solayotgan xabarlarga rasmiylar izoh berdi.

    '“Xonadonlardan olib ketiladigan chiqindilar miqdori cheklanmagan, biroq…”'ning rasmi

    Jamiyat 07.03.2025 11:08

    “Xonadonlardan olib ketiladigan chiqindilar miqdori cheklanmagan, biroq…”

    Chiqindiga limit qo‘yilgani haqida tarqalgan xabardan so‘ng, olib ketilishi kerak bo‘lgan chiqindilarga nimalar kirishi ma’lum qilindi.

    'Qashqadaryodagi janjal ortidan 10 kishi qamoqqa olindi'ning rasmi

    Jamiyat 07.03.2025 09:54

    Qashqadaryodagi janjal ortidan 10 kishi qamoqqa olindi

    10 erkak birgalashib aka-ukani urib, tan jarohati yetkazishgan.