Joriy yil 25 aprel kuni soat 17:40 atrofida Toshkent shahri Yakkasaroy tumani hududida yo‘l-transport hodisasi sodir bo‘ldi.
Chevrolet Cobalt avtomobilni boshqarib ketayotgan 1988 yilda tug‘ilgan haydovchi KXAY ko‘chasi 7-uy qarshisida yo‘lning belgilanmagan qismidan o‘tayotgan 1948 yilda tug‘ilgan piyodani urib yuborgan.
YTH oqibatida piyoda olgan tan jarohatlari sabab voqea joyida vafot etgan.
Holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov harakatlari davom etmoqda.
Rasmiylar yo‘l harakati qatnashchilarini qoidalarga qat’iy rioya qilishga chaqirdi hamda marhumning yaqinlariga hamdardlik bildirdi.
