Hodisa 2024 yilning 17 dekabrida Parkent tumanidagi xususiy hayvonot bog‘ida sodir bo‘lgan edi. Qafasdan chiqib ketgan 3 ta Afrika sherini joyiga qaytarishga uringan 44 yoshli qorovul ularning hujumiga uchragan va vafot etgan edi.
Holat hayvonot bog‘i xodimlari tomonidan oradan 4 soat o‘tib ilg‘ab qolingan va 2 ta sher uxlatuvchi dori vositalari qo‘llangan holda katakka qaytarilgan. 1 ta sher esa mahalliy ovchi tomonidan otib o‘ldirilgan.
Mazkur holat yuzasidan qo‘zg‘atilgan jinoyat ishi JIB Parkent tumani sudida ko‘rib chiqildi. Sud hayvonot bog‘i direktorini Jinoyat kodeksining 257-moddasi 2-qismida nazarda tutilgan jinoyatni sodir etganlikda aybdor deb topdi va unga ushbu moddaga asosan uch yil muddatga ozodlikni cheklash jazosi tayinlandi.
Qamoqqa olish ehtiyot chorasi bekor qilinib, u darhol sud zalida qamoqdan ozod qilindi.
