6-aprel kuni Madridda o‘tkazilgan yarim marafonda qatnashgan ikki erkak yurak muammolari sababli vafot edi. Bu haqda “Eldiario.es” nashri ma’lum qildi.
Qayd etilishicha, halok bo‘lganlardan biri 35 yoshda bo‘lgan. U marraga 500 metr qolganda yurak xurujiga uchragan. Erkak shifoxonaga yetkazilgan bo‘lsa-da, shifokorlar uning hayotini saqlab qololmagan.
“Ikkinchi marhum 20 yoshda bo‘lib, u ham tezlik bilan shifoxonaga olib kelingan, ammo o‘sha yerda jon bergan”, — deyiladi xabarda.
Yarim marafonda jami 27 ming kishi ishtirok etgan, 50 nafar sportchiga tibbiy yordam ko‘rsatilishiga to‘g‘ri keldi.
Ma’lumot uchun, Madrid yarim marafoni 24 yildan buyon o‘tkazib kelinadi. 2010-yilda 31 yoshli sportchi poyga marrasini kesib o‘tgach, hushidan ketib vafot etgan. 2005-yilda esa madridlik 24 yoshli yigit poygada ishtirok etayotganda to‘satdan vafot etgan.
