AQShning yangi prezidenti Donald Tramp Oq uyning matbuot kotibi Josh Ernestni axmoqlikda aybladi, deb xabar berdi “Lenta.ru” nashri.
“Bu Josh Ernest degan axmoq yigitning Barak Obama bilan gaplashishiga ishonmayman, chunki u bergan axborotlarga shubha bilan qarayman. Prezident aqlli, bilimli matbuot kotibiga ega bo`lishi lozim. Ba`zan u pozitiv ravishda bergan xabar, boshqalarga negativ ta`sir qilishi mumkin”, – dedi Tramp Pensilvaniya shtatida so`zlagan nutqida.
Josh Ernest 14 dekabr kuni Trampni Demokratik partiya serveriga Rossiya tomonidan qilingan kiber hujumdan xabardorlikda ayblagan edi. Uning so`zlariga qaraganda, yangi prezident hamma voqeadan ogoh bo`lgan, chunki Rossiya uning raqibiga qarshi bo`lgan. Rossiya esa bu vajlarni rad etgan.
