Germaniya sobiq kansleri Olof Sholts lavozimni tark etar ekan, u Bundesver — mamlakat qurolli kuchlari orkestri ishtirokida tantanali tarzda kuzatib qo‘yildi. Mash’alalar, harbiy musiqa va maxsus rasmiy marosim pruss an’analariga tayangan holda o‘tkazildi.
Bu Germaniyada eng yuksak hurmat ifodasi bo‘lib, bunday marosim faqat kansler, prezident yoki mudofaa vazirlariga nasib etadi. Sholts o‘z tanloviga ko‘ra uch musiqiy asarni ijro ettirdi: “The Beatles”ning “In My Life” qo‘shig‘i, Bax musiqasidan parcha va Areta Franklinning “Respect” asari.
U marosimda so‘zga chiqib, o‘z hamkasblari va butun xalqqa rahmat aytdi.
Hokimiyat almashinuvi — demokratiyaning ajralmas qismi, biz uni himoya qilishimiz kerak. Germaniya kuchli bo‘lishi uchun biz birgamiz,— deydi Sholts.
U, shuningdek, Germaniya tezroq va zamonaviyroq bo‘lishi kerakligini ta’kidladi va o‘z hukumatining bu yo‘lda mustahkam poydevor qo‘yganini qayd etdi. Kanslerlikni “katta sharaf” deb atagan Sholts, yangi kansler Fridrix Mertsga omad tiladi.
