Unga ko‘ra, qonun loyihasida nazarda tutilgan katta soliq imtiyozlari AQSh Hukumat samaradorligini oshirish departamenti (DOGE) ishiga salbiy ta’sir ko‘rsatmoqda.
“Byudjet taqchilligini kamaytirish o‘rniga uni oshiruvchi bu hujjat meni xafa qildi,” — deydi Mask “CBS News” telekanaliga bergan intervyusida.
Mazkur qonun loyihasi hali AQSh Senatida tasdiqlanishi kerak. Hujjatda 2017 yilda Tramp tomonidan kiritilgan soliq imtiyozlarini uzaytirish, davlat qarzining yuqori chegarasini 4 trillion dollargacha oshirish va chegara xavfsizligiga ajratiladigan mablag‘larni ko‘paytirish nazarda tutilgan.
AQSh Kongressi hisob-kitoblariga ko‘ra, yangi soliq siyosati 2034 yilgacha davlat byudjeti taqchilligini 3,8 trillion dollarga oshirishi mumkin.
Oq uy esa mazkur kamomadni import bojlari hisobidan qoplashni rejalashtirmoqda.
