Унга кўра, қонун лойиҳасида назарда тутилган катта солиқ имтиёзлари АҚШ Ҳукумат самарадорлигини ошириш департаменти (ДОГЕ) ишига салбий таъсир кўрсатмоқда.
“Бюджет тақчиллигини камайтириш ўрнига уни оширувчи бу ҳужжат мени хафа қилди,” — дейди Маск “CБС News” телеканалига берган интервьюсида.
Мазкур қонун лойиҳаси ҳали АҚШ Сенатида тасдиқланиши керак. Ҳужжатда 2017 йилда Трамп томонидан киритилган солиқ имтиёзларини узайтириш, давлат қарзининг юқори чегарасини 4 триллион долларгача ошириш ва чегара хавфсизлигига ажратиладиган маблағларни кўпайтириш назарда тутилган.
АҚШ Конгресси ҳисоб-китобларига кўра, янги солиқ сиёсати 2034 йилгача давлат бюджети тақчиллигини 3,8 триллион долларга ошириши мумкин.
Оқ уй эса мазкур камомадни импорт божлари ҳисобидан қоплашни режалаштирмоқда.
