O‘zbekistondagi Islom sivilizatsiyasi markazi, Respublika Ma’naviyat va ma’rifat markazi, O‘zbekiston Fanlar akademiyasi, Oliy ta’lim, fan va innovatsiyalar vazirligi, “Ma’rifat” targ‘ibotchilar jamiyati hamda qator hamkor tashkilotlar hamkorligida 2025 yil may-iyun oylarida “Tamaddun, madaniyat va ma’rifat” mavzusida ilmiy-ma’rifiy va madaniy targ‘ibot tadbirlari o‘tkaziladi.
Mazkur “Ma’rifat karvoni” tadbirlari Qoraqalpog‘iston Respublikasi, viloyatlar va Toshkent shahrini qamrab oladi.
Tadbirlar davomida quyidagi loyihalar amalga oshiriladi:
“Sivilizatsiyalar – Shaxslar – Kashfiyotlar” shiori ostida ilmiy-innovatsion loyihalar taqdimotlari, amaliyotga yo‘naltirilgan seminar va treninglar;
“Yangi O‘zbekiston – Yangi Renessans” mavzusida konferensiya, forum va anjumanlar;
“Tirik tarix” loyihasi doirasida milliy kinoijodkorlar ishtirokida buyuk ajdodlarimizning madaniy merosini keng targ‘ib etuvchi filmlar namoyishi;
Shuningdek, boshqa ilmiy, ijtimoiy va innovatsion tashabbuslar ham ko‘zda tutilgan.
“Ma’rifat karvoni” — yurtimiz ziyolilari uchun yagona platforma sifatida xizmat qiladi!
