Giyohvandlik vositalarining noqonuniy aylanmasiga qarshi kurashish doirasida Davlat xavfsizlik xizmati Farg‘ona viloyati bo‘yicha boshqarmasi xodimlari tomonidan Bojxona va ichki ishlar organlari bilan hamkorlikda tezkor tadbir o‘tkazildi.
Ma’lum qilinishicha, Qo‘qon shahrida yashovchi 1994 va 2002 yillarda tug‘ilgan ikki nafar shaxs o‘z tanishi bo‘lgan Qo‘shtepa tumanida istiqomat qiluvchi 2001 yilda tug‘ilgan fuqaroning “Jentra” rusumli avtomashinasida Farg‘ona tumaniga borib, qo‘shni respublikadan mamlakat hududiga noqonuniy o‘tkazilgan 11 650 dona “Regapen” kuchli ta’sir qiluvchi dori vositalarini qabul qilib olgan.
Shundan so‘ng Qo‘qon shahriga qaytib ketayotgan vaqtlarida tezkor guruh tomonidan Uchko‘prik tumani hududida to‘xtatilgan. Ular avtomashinadan dori vositalarini uloqtirib, voqea joyidan qochmoqchi bo‘lgan, biroq rejalari amalga oshmagan.
Aniqlanishicha, qonunbuzarlar ushbu turdagi dorilarni Farg‘ona va Qo‘qon shaharlarida yashovchi shaxslarga sotish bilan shug‘ullanib kelgan.
Hozirda ularga nisbatan jinoyat ishi qo‘zg‘atilib, tergov harakatlari olib borilmоqda.
