Polsha Seymida (quyi palata) o‘tkazilgan ovoz berishda 243 deputat bosh vazir Donald Tusk boshchiligidagi hukumatga ishonch bildirdi, 210 nafari esa qarshi chiqdi.
Tusk bu ovoz berishni prezidentlik saylovlarida konservator Karol Navrotskiy g‘alaba qozonganidan so‘ng, hukumat barqarorligiga bo‘lgan shubhalarni bartaraf etish maqsadida o‘zi tashabbus qilib o‘tkazdi.
“Men o‘zimning kuchimni ko‘rsatish uchun emas, balki ortiqcha shovqin va taxminlarga barham berish uchun bu ishonch ovozini so‘radim”, — deydi Tusk.
U, shuningdek, saylovchilarning ishonchini qaytarish yo‘lida hukumat oldida katta vazifalar turganini tan oldi.
