Surxondaryo viloyati, Jarqo‘rg‘on tumanida faoliyat yurituvchi advokatlik hay’ati a’zosi bo‘lgan advokat jinoyat ishida ayblanuvchiga yengilroq — ozodlikdan mahrum etilmaydigan jazo tayinlatish uchun 60 ming AQSH dollari talab qilgani fosh etildi. Bu haqda DXX Darakchi.uzga ma’lum qildi.
Ushbu ish bo‘yicha ayblanuvchi shaxs hozirda Jarqo‘rg‘on tuman sudida sud qilinmoqda. Advokat esa o‘zining sud tizimidagi tanishlari orqali ayblanuvchiga nisbatan yengil jazo tayinlashda “yordam” va’da qilgan.
Ammo bu “yordam” DXX va prokuratura xodimlarining nazaridan chetda qolmadi. O‘tkazilgan tezkor tadbirda u so‘ralgan puldan 50 ming dollarni olayotgan vaqtda qo‘lga olindi.
Uning ustidan Jinoyat kodeksining 168-moddasi 4-qismi “a” bandi (firibgarlik) va 28,211-moddasi 3-qismi “a” bandi (pora olishga suiqasd) bo‘yicha jinoyat ishi qo‘zg‘atildi. Unga qamoq ehtiyot chorasi qo‘llanilgan.
Hozirda tergov harakatlari olib borilmoqda.
