Chexiya prezidenti Petr Pavel kannabisni qisman dekriminalizatsiya qilish to‘g‘risidagi qonunni imzoladi, deya yozmoqda "zamon.uz".
Ushbu qonunga ko‘ra, chexiyaliklar o‘z uylarida 100 grammgacha, marixuana saqlashlari hamda uch tupgacha ushbu o‘simlikni yetishtirishlari mumkin.
“Agar saqlanayotgan miqdor 100 dan 200 grammgacha yoki yetishtirilayotgan o‘simliklar soni to‘rttadan besh tupgacha bo‘lsa, bu holat ma’muriy javobgarlikka sabab bo‘ladi. Undan ko‘p miqdor esa jinoiy ish sifatida baholanadi”, deya qayd etilgan tegishli qonunda.
Germaniyada ham xuddi shunday chora 2024 yil 1 apreldan kuchga kirgandi. O‘shanda nasha o‘simligi giyohvand moddalar to‘g‘risidagi qonun bilan taqiqlangan moddalar ro‘yxatidan chiqarilgan. Shu tariqa shaxsiy foydalanish uchun uchta tupgacha nasha etishtirishga ruxsat berilgan.
