Чехия президенти Петр Павел каннабисни қисман декриминализация қилиш тўғрисидаги қонунни имзолади, дея ёзмоқда "zamon.uz".
Ушбу қонунга кўра, чехияликлар ўз уйларида 100 граммгача, марихуана сақлашлари ҳамда уч тупгача ушбу ўсимликни етиштиришлари мумкин.
“Агар сақланаётган миқдор 100 дан 200 граммгача ёки етиштирилаётган ўсимликлар сони тўрттадан беш тупгача бўлса, бу ҳолат маъмурий жавобгарликка сабаб бўлади. Ундан кўп миқдор эса жиноий иш сифатида баҳоланади”, дея қайд этилган тегишли қонунда.
Германияда ҳам худди шундай чора 2024 йил 1 апрелдан кучга кирганди. Ўшанда наша ўсимлиги гиёҳванд моддалар тўғрисидаги қонун билан тақиқланган моддалар рўйхатидан чиқарилган. Шу тариқа шахсий фойдаланиш учун учта тупгача наша этиштиришга рухсат берилган.
