Hindistonlik taniqli millatchi tashkiloti rahbari Mohan Bhagvat oilalarni kamida 3 nafar farzand ko‘rishga chaqirmoqda. Bu haqda Reuters xabar berdi.
Ma’lum qilinishicha, BMT ma’lumotlariga ko‘ra, Hindiston aholisi hozirda 1,46 milliard bo‘lishiga qaramasdan, mamlakatlarda ayollar o‘rtacha 2 nafar farzandli bo‘lmogda. Bhagvat aholining “nazorat ostida, lekin yetarli miqdorda bo‘lishi” lozimligini aytib, milliy manfaat uchun har bir oilada 3 nafar farzand bo‘lishi kerakligini ta’kidlagan.
Uning chaqirig‘i millatchi yetakchilar va siyosatchilar orasida demografik barqarorlik va madaniy identifikatsiya haqidagi tashvishni aks ettirar. Bildirilishicha, hind aholisi orasida tug‘ilish pasayotgan bo‘lsa, Hindistonning musulmon aholisi soni o‘sib bormoqda.
RSS — hind madaniyatini targ‘ib qiluvchi tashkilot bo‘lib, ko‘plab siyosatchilar, jumladan, bosh vazir Narendra Modi unga a’zo hisoblanadi. Tahlilchilar Modining BJP (Bharatiya Janata) partiyasi siyosati ko‘pincha RSS pozitsiyalariga mos kelishini ta’kidlaydi.
Bhagvat RSS Hindiston aholisining taxminan 14 foizini tashkil etuvchi musulmonlarga qarshi ekani haqidagi tanqidni rad etib shunday dedi:
“Bizning ajdodlarimiz va madaniyatimiz bir, dindagi farq identifikatsiyani o‘zgartirmaydi. O‘zaro ishonch har tomonlama muhim. Musulmonlarning dini boshqalar bilan qo‘lni qo‘lga berganida xavf ostida qolmaydi. Ular bu qo‘rquvdan xalos bo‘lishi kerak”.
