O'tgan yillarda sog'liqni saqlash sohasiga ajratilayotgan mablag' 6 barobarga oshdi. Endi ilgari faqat poytaxtda amalga oshirilgan yuqori texnologik amaliyotlar 400 dan ortiq hududiy markazlarda ham bajarilmoqda.
Shuningdek, aholining umr ko'rish davomiyligi 73,8 yoshdan 75,1 yoshga uzaydi. Prezident, "Ta'lim, salomatlik, muallim va shifokorlar uchun qanday kuch va mablag' kerak bo'lsa — barchasi safarbar etiladi", deya ta'kidladi.
Yoshlar – orzularni ro'yobga chiqarayotgan kuch
O'zbekiston yoshlari sport va fan sohalarida tarixiy yutuqlarga erishmoqda. Milliy terma jamoa ilk bor Jahon chempionatiga yo'llanma oldi, talabalari esa 116 davlat ichida Universiadada ilk bor top-15 talikka kirdi.
Shuningdek, yosh boksichilarimiz Osiyo chempionligini qo'lga kiritdi. Prezident, "Biz sog'lom avlod uchun Toshkentda Olimpiya shaharchasini qurdik, ilk bor zamonaviy Futbol akademiyasini tashkil etdik", dedi.
Fan olimpiadalarida porlagan yoshlar — O'zbekiston fahri
Yoshlarimiz bu yil xalqaro fan olimpiadalarida 15 ta medalni qo'lga kiritdi. Ular MDH mamlakatlari orasida kimyo bo'yicha 2-o'rin, matematika va iqtisodda 3-o'rin, IT va geografiyada 4-o'rinni egalladi.
Prezident yoshlarni "bo'lajak Xorazmiy, Beruniy, Ibn Sino" deb ta'riflab, "Bah — intiluvchiga, g'alaba — kurashchiga nasib etadi. Tarixni faqat g'oliblar yarata", deya murojaat qildi.
O'zbekiston "raqamli va adolatli sudlar" davriga qadam qo'ymoqda
Sud ishlari to'liq raqamlashtirilmoqda, inson omili kamaytirilib, sun'iy intellekt joriy etilmoqda. Endi taraflar sudga borib o'tirishiga hojat yo'q — jarayonlar onlayn o'tadi.
So'nggi uch yilda sudlanganlarning 70 foiziga ozodlikdan mahrum qilinmaydigan jazo qo'llanilgan, 3 mingga yaqin fuqaro oqlangan, 3 mingdan ortiq mahkum afv etilgan. Prezident bu islohotlar "vaqtinchalik kampaniya emas, balki davlat siyosatidir", deya ta'kidladi.
