6 iyun kuni Toshkent viloyatining Yallama qishlog‘ida og‘ir jinoyat sodir bo‘lgan.
Tergov ma’lumotlariga ko‘ra, jabrlanuvchi onasiga qo‘ng‘iroq qilib, qisqa muddatga do‘stlari bilan uchrashishini aytgan va uydan chiqqan.
Orqasidan esa uning jasadi ko‘plab pichoq jarohatlari bilan qishloqdagi uylardan biri yonidan topilgan.
Ma’lum bo‘lishicha, qotillik mahalliy futbol maydoni atrofida ro‘y bergan.
Jinoyat ishlari bo‘yicha Chinoz tuman sudida bo‘lib o‘tgan jarayonda ayblanuvchi yigit qilgan ishidan afsusdaligini bildirib, suddan engilroq jazo so‘ragan.
Uning so‘zlariga ko‘ra, bu voqea tasodifan sodir bo‘lgan.
Sud uni 8 yil 6 oy muddatga ozodlikdan mahrum qilishga qaror qildi.
