Litsenziya asosida faoliyat yurituvchi yangi banklar hamda an’anaviy banklar tarkibida “islomiy darcha” ochilishi rejalashtirilgan.
Markaziy bank raisi o‘rinbosari Abrorxo‘ja Turdaliyevning ma’lum qilishicha, mamlakatta islomiy bank faoliyatini amalga oshirish uchun alohida litsenziya joriy etiladi.
Unga ko‘ra, mustaqil ravishda islomiy bank ochish yoki mavjud bank tarkibida islomiy xizmatlar ko‘rsatiladigan bo‘lim tashkil etish imkoniyati yaratiladi.
Mazkur tashabbus orqali aholi va biznes subyektlariga shariat talablariga mos moliyaviy xizmatlar taklif etilishi, banklar o‘rtasida raqobat oshishi va yangi investorlarni jalb qilish kutilmoqda.
