Toshkent viloyatining Bo‘stonliq tumanida bojxona va DXX xodimlari hamkorligida o‘tkazilgan tezkor tadbir davomida noqonuniy yo‘l bilan 8 bosh Qizil kitobga kiritilgan tirik lochin qushini olib chiqishga urinagan shaxs uslandi.
Ma’lum qilinishicha, ilgari kuzatuvga olingan shaxs "Oqtosh" nazorat-o‘tkazish punkti orqali davlat chegarasini buzib o‘tayotgan vaqtida to‘xtatilgan. Uni tekshirish paytidagi manzara esa hozircha barchaning e’tiborida: kichik sumkaga zichlab joylangan 8 bosh lochinning ko‘z va oyoqlari bog‘langan, qanotlari esa skotchlangan holda topilgan.
Tegishli mutaxassislarning ta’kidlashicha, bu lochinlar O‘zbekiston Respublikasi Qizil kitobiga kiritilgan va ularni ovlash ham, mamlakatan olib chiqish ham qat’iyan taqiqlangan.
Ushbu qushlar hozirda Toshkent hayvonot bog‘iga topshirildi. Holat yuzasidan bojxona organlari tomonidan surishtiruv ishlari olib borilmoqda.
