Toshkent viloyatining Bo‘stonliq tumanida joylashgan Cho‘loqmergan hududida Tyan Shan qo‘ng‘ir ayig‘i qoya toshdan yiqilib nobud bo‘ldi. Ayiq taxminan 70–80 metr balandlikdan qulagan.
Ekologiya boshqarmasi va Burchmullo davlat o‘rmon xo‘jaligi mutasaddidlarining ma’lum qilishicha, ayiqning halok bo‘lishi tabiiy holatmi yoki boshqa omillar bilan bog‘limi — bu hozircha noma’lum. Tanani tekshiruvdan o‘tkazish uchun vaqtincha o‘rmon xo‘jaligida saqlashga qaror qilingan.
Tyan-Shan qo‘ng‘ir ayig‘i O‘zbekistonda muhofaza qilinadigan kamyob yovvoyi hayvonlar sirasiga kiradi.
